Tankar før ein sykkeltur.

I kveld skal det altså skje. Frå og med halv tolv i natt og nokre dagar framover byrjar "life on the road;" sommarens store sykkelprosjekt.

Me har lege i hardkjør no siste veka, sykla fleire gonger til Kinsarvik og ymse andre plasser for å halda formen oppe. Utstyret skal no vera på plass - eg har fått lånt sykkelvesker av eldstebroren, pappa fòr til Odda og tok ein full overgang av sykkelen min i byte mot at eg hadde fylt bensin, Olav Andreas har fått låna den lettare sykkelen til Torstein, og i går sette me oss ned for å planlegga pakking og innkjøp.
Bussen måtte me bestilla i går, det er ein ekstrabuss som skal korrespondera med nattversjonen av Haukeliekspressen.

I kveld etter jobb vert det altså tre timars intensiv pakking før me er heilt klare og set i gang. Meg vil bloggen sannsynlegvis ikkje høyra frå på ei stund, så har de nokre avskjedsord, kan de skriva dei her... =)